Best Songs of 2013

Ang blog post na ito ay unang inilathala sa, ang isa pa sa aking mga blog. Ang post na ito ay naglilista ng mga pinakamagandang kanta para sa akin nitong patapos na taon ng 2013. Kung may gusto kayong idagdag o alisin sa listahan na ito, sabihin nyo lamang sa ibaba. Salamat at manigong bagong taon!


The yearly countdown of the pondering movie, TV and music fan begins. And I want to start with the best music my ears were able to listen to for the past 12 months. I may be biased towards my favorite artists, but the songs listed here are songs that I think were great lyrically and/or musically. If you agree or disagree about what I post here, please write down on the comments section. Thank you and enjoy reading!

Top 10- BRAVE by Sara Bareilles

Sara Bareilles- Brave

Rumored to be the song that both musically and lyrically inspired Katy Perry’s Roar, this single off the pop singer’s latest album, Blessed Unrest, is brimming with positivity. Brave puts off a strong message about speaking up and being honest about oneself in mainstream, pop-friendly music

You can be amazing
You can turn a phrase into a weapon or a drug
You can be the outcast
Or be the backlash of somebody’s lack of love
Or you can start speaking up
Nothing’s gonna hurt you the way that words do
When they settle ‘neath your skin
Kept on the inside and no sunlight
Sometimes a shadow wins
But I wonder what would happen if you

Say what you wanna say
And let the words fall out
Honestly I wanna see you be brave
With what you want to say
And let the words fall out
Honestly I wanna see you be brave
I just wanna see you
I just wanna see you
I just wanna see you
I wanna see you be brave


Fall Out Boy- My Songs Know What You Did in the Dark

This single that resurrected the pop rock band’s musical career is not only pleasing to the ears, it is also deceivingly hard to sing! The song’s got a lot of aggressive attitude and over-all dark anthem vibe. Without dwelling too much to its meaning, I chose this song as one of the best this year for its eargasmic vibe especially when one is put to the test or just about to punch someone. Haha, kidding.

My songs know what you did in the dark!

So light ‘em up, up, up!

So light ‘em up, up, up!

So light ‘em up, up, up!

 I’m on fire!

Top 8- WRECKING BALL by Miley Cyrus

Miley Cyrus- Wrecking Ball

She seems like a girl who’s lost the goodness in her cause but let not that personality fool you. She still can make good music. This power ballad showcases the former teen superstar’s vocal chops in the captivating rhythm of the song.

Don’t you ever say I just walked away
I will always want you
I can’t live a lie, running for my life
I will always want you

I came in like a wrecking ball
I never hit so hard in love
All I wanted was to break your walls
All you ever did was wreck me
Yeah, you, you wreck me

Top 7- WAKE ME UP by Avicii

Avicii- Wake Me Up

The Swedish DJ who keeps on creating poppy EDM for everyone to hear succeeds with Wake Me Up, a chart-topping single that features Aloe Blacc for vocals and guitar from Incubus’ Mike Eizenger.

Wish that I could stay forever this young
Not afraid to close my eyes
Life’s a game made for everyone
And love is the prize

So wake me up when it’s all over
When I’m wiser and I’m older
All this time I was finding myself
And I didn’t know I was lost

Top 6- JUST GIVE ME A REASON by Pink feat. Nate Ruess

Pink- Just Give Me A Reason

This power ballad features two of the most distinct and beautiful voices of this generation: Pink and Nate Ruess of the band, fun. Featuring solo parts that both showcase the two singers’ excellent vocals, the song undoubtedly transcends when they sing together. Eargasm results when their voices blend. Moreover, I won’t be surprised if the song wins for Song of the Year in the Grammys. Two lovers yearning to mend their relationship is clearly felt and understood through and through when the song is being played.

Now you’ve been talking in your sleep, oh, oh
Things you never say to me, oh, oh
Tell me that you’ve had enough
Of our love, our love

Just give me a reason
Just a little bit’s enough
Just a second we’re not broken just bent
And we can learn to love again
It’s in the stars
It’s been written in the scars on our hearts
We’re not broken just bent
And we can learn to love again

Top 5- MIRRORS by Justin Timberlake

Justin Timberlake- Mirrors

Easily the best track off Justin Timberlake’s 20/20 Experience album, this emotional ballad keeps it very interesting and pleasing to the ears with a length of 8 minutes and 5 seconds that features a grand production of instrumentation, catchy yet very meaningful lyrics and of course, the artist’s soaring vocals and pleasing falsetto.

‘Cause I don’t wanna lose you now
I’m lookin’ right at the other half of me
The vacancy that sat in my heart
Is a space that now you hold
Show me how to fight for now
And I’ll tell you, baby, it was easy
Comin’ back here to you once I figured it out
You were right here all along

It’s like you’re my mirror
My mirror staring back at me
I couldn’t get any bigger
With anyone else beside of me
And now it’s clear as this promise
That we’re making two reflections into one
‘Cause it’s like you’re my mirror
My mirror staring back at me, staring back at me

Top 4- ROAR by Katy Perry

Katy Perry- Roar

Continuing the feel-good anthem of her songs, Katy Perry does it great with Roar, her first single off her latest album, Prism. Roar soars with Perry’s strong vocals immersed in booming instrumentations of piano and drums.

 You held me down, but I got up (HEY!)
Already brushing off the dust
You hear my voice, you hear that sound
Like thunder gonna shake the ground
You held me down, but I got up (HEY!)
Get ready ’cause I’ve had enough
I see it all, I see it now

I got the eye of the tiger, a fighter, dancing through the fire
‘Cause I am a champion and you’re gonna hear me roar
Louder, louder than a lion
‘Cause I am a champion and you’re gonna hear me roar
Oh oh oh oh oh oh
Oh oh oh oh oh oh
Oh oh oh oh oh oh
You’re gonna hear me roar

Top 3- CAN’T HOLD US by Macklemore and Ryan Lewis

M and RL- Can't Hold Us

If there’s one song that is the most infectious among all infectious songs this year, this is it. I’ve never liked a hip hop song as much as this before but because of the American hip-hop duo, I’m beginning to like hip hop more. This anthemic song defines the summer of the year by featuring a lashing of raps, a very catchy chorus and over-all a vibrant, upbeat and uplifting music.

Can we go back?

This is the moment

Tonight is the night

We’ll fight ‘til it’s over

So we put our hands up like the ceiling can’t hold us

Like the ceiling can’t hold us

Top 2- IKOT-IKOT by Sarah Geronimo

Sarah Geronimo- Expressions

The Philippine music for the year 2013 thrived with pop singers- old (resilient ones) and new (via reality shows), alternative rock bands and a number of indie artists. But the one who stood out the most is none other than Sarah Geronimo, claimed to be the country’s pop princess. The lead single off her latest album, Ikot-ikot represents the more mature Sarah as she croons about a tiring affair with a lover, perfected with its incredibly very catchy hook plunged in an upbeat yet dramatic music production. But, as a good friend mentioned in his blog, it is Sarah who made the song really her own. And I quote what my friend said: “Sarah Geronimo gives the lyrics a brooding, adult contemporary spin: heavy on grit and rage. [Her] delivery is all it takes to tell the story, rough and manic.”

Heto na naman tayo
Parang kelan lang ang huli
Gaano man kalayo
Tayo’y pinagtatagpong muli
Ilang ulit nagkasakitan
Ngunit paulit na gumagaling
Ilang ulit balak na iwan
Ngunit patuloy na bumabalik

Kay rami nang sakit
Na nilimot napabayaan
‘Di maiwasang isipin
Na tayo’y para bang tumatakbo

Sa walang hanggan na kalye, tumatakbo
Ang pag-ibig na tila ba ‘sang biyaheng
Ikot-ikot lang, ikot-ikot-ikot lang
Ikot-ikot lang, ikot-ikot-ikot
Ikot-ikot lang, ikot-ikot-ikot lang
Ikot-ikot lang, ikot-ikot-ikot

Top 1- COUNTING STARS by OneRepublic

One Republic- Counting Stars

The band’s latest single, Counting Stars, is also the most commercially successful off their third album, Native. Featuring poetic and reflective yet puzzling and ambiguous lyrics entrenched in pop rock with hints of indie and folk music, this song bursts with constant tempo changes, head-banging rhythms and Ryan Tedder’s excellent vocals. In the surface, the song teaches us to dream big, pray hard and do what we can to reach those stars. Deeply, though, this may mean another thing.

Lately I been, I been losing sleep
Dreaming about the things that we could be
But baby, I been, I been prayin’ hard
Said no more counting dollars
We’ll be counting stars
Yeah, we’ll be counting stars

I see this life
Like a swinging vine
Swing my heart across the line
In my face is flashing signs
Seek it out and ye shall find

Old, but I’m not that old
Young, but I’m not that bold
And I don’t think the world is sold
I’m just doing what we’re told

I feel something so right
By doing the wrong thing
And I feel something so wrong
By doing the right thing
I could lie, could lie, could lie
Everything that kills me makes me feel alive


PLAY HARD by David Guetta feat. Ne-Yo & Akon

THRIFT SHOP and SAME LOVE by Macklemore and Ryan Lewis

SAY SOMETHING by A Great Big World feat. Christina Aguilera





IN A WORLD LIKE THIS by Backstreet Boys

ATLAS by Coldplay



INCREDIBLE by Celine Dion and Ne-Yo


NOT A BAD THING by Justin Timberlake

RADIOACTIVE by Imagine Dragons

THE ONLY ONE by James Blunt

LET ME GO by Avril Lavigne feat. Chad Kroeger

SAFE AND SOUND by Capital Cities

Ang Pork Barrel Scam at iba pang Conspiracy Theories

Pork Barrel Scam (hango ang larawang ito sa

Ilang linggo ng usap-usapan ang Pork Barrel Scam kung saan nadidiin ang businesswoman na si Janet Napoles. Sinasabi ng whistleblower na si Benhur Luy, dating personal assistant ni Napoles, na kumikita ang kanyang dating amo ng limpak-limpak na salapisa pamamagitan ng panloloko. Pinadadaan umano ng mga senador at kongresista ang ilan sa kanilang Priority Development Assistance Fund (PDAF) o pork barrel sa mga proyektong gawa-gawa lamang ng mga huwad na Non-Government Organization (NGO) tulad ng pag-aari ni Napoles. Dahil di tunay ang mga proyektong gagawin ay ibubulsa ng mga mambabatas at ni Napoles ang salaping dapat ay para sa mamamayan. Tinatayang 70% ay mapupunta sa mambabatas habang 30% naman kay Napoles.

Nakakagulat, hindi ba? Kaya sa dinami-rami ng perang sabit sa scam na ito, di ka na magtataka pa kung saan nanggagaling ang mga mamahaling gamit ng mga anak niyang si Jean. Dagdag diyan, mayroon pa umanong 400 na bank account ang kanilang pamilya! Biruin mo pa, higit dalawampung sasakyan na nakarehistro sa kanilang pangalan!

Pero ang pinakanakakagulat sa lahat ng mga nabanggit sa mga balitang ito ay ang sabwatang nagaganap umano sa pagitan ng mga pulitiko at ng mga Napoles. Isang conspiracy theory ang nasabing scam. Nagkukunwari ang mga taong sangkot (senador o kongresista man) na di nila kilala si Napoles. Bakit nga naman nila ididiin ang kanilang sarili gayung iligal ang mga transaksyong nagaganap? Ayaw nilang ipakita ang kanilang totoong pagkatao. Basahin pa ninyo ang blog na nang maraming bagay pa kayong malaman tungkol sa napakalaging scam na ito.

Update: Ayon sa huling balita, nag-isyu na ng warrant of arrest ang National Bureau of Investigation kay Janet Napoles at sa kanyang kapatid na si Reynald “Jojo” Lim dahil sa isinampang kaso ni Luy. Sisimulan na ring imbestigahan ang scam upang malaman ang iba pang dawit sa panlolokong ito. Harin
awa’y magkaroon ng hustisya sa pangyayaring ito at hindi lamang sina Napoles ang maparusahan kung hindi pati na ang mga senador, kongresista at iba pang taong nasa posisyon na nanloloko sa bayan.

Conspiracy Theory

Nabanggit ko na sa mga dati ko pang blog entry ang conspiracy theory. Ano uli ito? Ang conspiracy theory ay isang teorya kung saan ipinapaliwanag ang isang pangyayari o lupon ng pangyayari dahil sa isang lihim na plano at gawain ng mga makakapangyarihang tao sa likod nito na tinatawag na conspirators. Masakit malaman sa isip at maramdaman sa pusong may mga ganitong pangyayaring nagaganap sa ating lipunan. Kung sinu-sino pa ang mga pinagkakatiwalaan mong mag-aangat sa Pilipinas at sa mga kapwa Pilipino ay sila pang dahilan kung bakit nawawala’t nananakaw ang perang galing mismo sa bayan na dapat lang gamitin para sa bayan. Gahaman. Magnanakaw. Walanghiya. Yan ang mga katagang madalas ginagamit panlarawan sa mga pulitiko. Sa mga uri ng balitang naririnig natin ngayon, wag na tayong magtaka kung totoo ang mga iyan. Wag gumamit ng mga pangalan ng baboy, buwaya at iba pang hayop sapagkat isang paglapastangan sa kanila ang maihambing sa mga taong halang ang kaluluwa.

Tunay na nakawiwindang ang balita tungkol sa Pork Barrel Scam. Pero may iba pang nakawiwindang na conspiracy theory sa mundo. Kamakailan lang ay nagpakita ng listahan ang LISTVERSE ng mga conspiracy theory. Bagama’t pop culture ang nasa titulo nito, ang listahan ay kabit-kabit na istorya ng mga taong nasa posisyon at kapangyarihan, ang mga biktima nila at ang pamamamaraan ng kanilang pambibiktima. Anu-ano ang mga nasa listahan? Alamin natin sa ibaba:

X. Isang psychological warfare ang prank broadcast ni Orson Welles noong 1938

War of the Worlds (kuha mula sa

Isa umanong pagti-test sa epekto ng media sa tao ang ginawang radio broadcast ni Orson Welles sa kanyang likhang War of the Worlds noong taong 1938. Sa gabing iyon ng Halloween, nag-panic ang mga tao dahil sa mock news na kanilang narinig na nagsasabing sinasakop na tayo ng mga alien.

IX. Ang pagkamatay ni Marilyn Monroe ay hindi aksidente. Siya ay pinapatay.

Marilyn Monroe (kuha sa

Binalitang suicide ang pagkamatay ng artista sa Hollywood na si Manilyn Monroe, pero ang sabi ng iba, mafia ang may kagagawan nito para mapigilan siya sa pagsumbong sa mga kinauukulan ng kanyang pakikipagrelasyon sa mga Kennedy. Marami na umano siyang nalalaman kaya minabuting siya ay patahimikin na lamang.

VIII. Ang pumatay kay John Lennon ay isang mind-controlled CIA assassin.


What's with the one-eye symbol, CIA and CBS?

What’s with the one-eye symbol, CIA and CBS?

Binaril ni Mark Chapman si John Lennon sa labas ng Dakota Building noong Disyembre 8, 1980. Sinabi n’ya na nakaririnig siya ng mga katagang “Do it, do it.” sa kanyang ulo kaya niya tuluyang binaril si Lennon. Hawak din niya ang librong Catcher in the Rye na may nakasulat na “This is my statement.” sa kanyang pagkakahuli.

Tatlong taon bago ang nasabing pangyayari, nagkaroon ng mga pagdinig sa Senado ng Amerika tungkol sa proyekto ng Central Intelligence Agency o C.I.A. na tinatawag na MKULTRA. Isa umano sa mga layunin nitong proyektong ito ay ang pagbi­-brainwash. Nais umano nilang gumawa ng Manchurian candidate, isang mind-controlled assassin upang isagawa ang kanilang mga kagustuhan. Sinasabing si Chapman ay isa sa mga na-brainwash ng CIA. Isang epekto ng brainwash ay pagbabago at pagkakaroon ng kakaibang pag-uugali, bagay na nakita kay Chapman.

Ano naman ang sinasabing dahilan sa pagpatay kay Lennon? Pinapatay umano siya dahil siya raw ay isang peace activist. Kumbaga, di naaayon sa kagustuhan ng mga nakatataas ang kanyang layunin bilang isang napakapopular na tao. Tinuligsa niya ang paggiyera ng Estados Unidos sa El Salvador bilang halimbawa.

VII. Gangster Rap

Gangsta music

Noong late 80’s at early 90’s, dalawa umano sa mga sub-genre ng rap ay ang conscious rap at gangsta rap. Nang naglaon, nawala na ang conscious rap at mas nakilala naman ang gangsta rap. Ang dahilan umano nito ayon sa isang sulat na ipinaskil sa blog na Hip-Hop is Read ay ang pagpupulong na ginawa ng mga nasa matataas na posisyon sa industriya ng musika kasama ang ilan sa mga nasa kapangyarihan. Layunin ng pagpupulong na suportahan ang musika na nagtataguyod ng criminal behavior para magtulak sa mga taong patuloy na gumamit ng droga at patayin ang isa’t-isa. Kung patuloy ang pagtutulak ng bawal na gamot at pagpatay, mapupuno ang mga kulungan- isang bagay na gusto ng isa sa mga paksyong kasama sa pulong.

VI. Predictive Programming sa TV, libro at pelikula ng mga pangyayari sa hinaharap

Nagbibigay umano ng maraming palatandaan ang tinatawag na conspirators o behind-the-scenes puppet masters tungkol sa kanilang mga plano. Ang mga palatandaang ito ay halos palaging gumagamit ng mga simbolo, numero at iba pang tumutukoy sa mga okulto, Freemasonry o mga ispesipikong imagery. Tingnan ang mga larawan upang malaman kung ano ang tinutukoy na predictive programming. 

9-11 predictive programming 9-11 PP picture

Isa pa umano sa mga layunin ng predictive programming ay pagaanin ang tama ng magaganap na pangyayari sa publiko. Kumbaga, tinataas ang tolerance ng tao sa mga ganitong bagay. Kung patataasin ang tolerance ng tao, sinasabing di sila gaanong maaapektuhan pag nangyari nga ang kalunus-lunos na pangyayari lalo na kung di sila direktang apektado.

V. Mga tagong mensahe: taktika para kundisyunin ang mga tao

Hindi umano sikreto na ang mga maiikli o mga tagong mga salita o larawan ay kayang ilagay sa ibang larawan, palabas o pelikula sa paraang di mapapansin ng manonood pero nakaiimpluwensiya pa rin sa kanila kahit papaano.

Madalas itong ginagamit para mahikayat na bumili ang mga tao ng mga podukto. Kilala rito ang mga komersyal na may nilalamang sexual references gaya ng Coke at Pepsi lalo na noong 1990s. Pero magugulat ka ba kung malalaman mong marami sa mga ito ay nakikita sa mga pelikula at palabas ng Disney gaya ng nasa ibaba?

Tangled movie poster Little Mermaid

 IV. Ang Disney ay isang evil empire

Anong numero nakikita mo?

Anong numero nakikita mo?

Isa sa pinakamatagal, pinakatanyag at pinakamalaking kumpana sa entertainment industry ang Disney. Dahil dito, ito na yata ang pinakamaimpluwensiya hindi lamang sa US, pati na rin sa buong mundo.

Sinasabing kahit umano family-oriented ang mga palabas at pelikula nila ay hinahayaan nilang lumabas ang maraming sexual images di lamang sa pelikula kundi maging sa mga promotional at poster artworks (tingnan na lamang ang mga larawan sa itaas). Bakit nila ito ginagawa? Dahil layunin umano ng Disney ang pagsi-sexualize ng mga bata. Gusto umano ng kumpanya na kainin lahat ng pera ng magulang habang sunud-sunuran sa kanila ang mga anak ng mga ito.

III. Monarch Mind Control: Halos lahat ng mga celebrity ay mind-controlled puppets


Noong na-expose ang MKULTRA noong mid-70’s, sinabi ng CIA na itinigil na nila ito. Pero sabi ng conspiracy theorists, di nila ito itinigil kundi binigyan lang ng bagong pangalan. Simula pa noong 1930s ay isinasagawa na ito ng power elite (mga mayayaman at maiimpluwensiyang tao) para ma-perpekto ang mind control. Pinalitan ang MKULTRA ng tinatawag na Monarch at sinasabing maraming mga celebrity  na ang dumaan sa prosesong ito, lalo na yung mga ini-employo ng Disney tulad nina Britney Spears at Miley Cyrus.

Sinasabing ang programming na ginagawa rito ay binubuo ng mga ritualized, regulated trauma at abuse na dinisenyo upang ma-dissociate ang taong biktima (subject) sa reyalidad at magkaroon ng break sa reyalidad na ito. Pagkatapos, isang handler  ang gagawa ng multiple personalities sa subject– kumakanta, sumasayaw, pumapatay, nakikipagtalik o kung ano pang maisipan nilang ipagawa.

Monarch Mind ProgrammingSinisimulan umano ang prosesong ito habang bata pa lamang ang subject, minsan dahil na rin sa direktang kooperasyon ng magulang. Ang mga subject ay ginagamit bilang sex slaves mula bata hanggang magbinata o magdalaga para sa mga mayayaman at makapangyarihan, habang inaalagaan ang kanilang imahe sa mga tao. Ang persepsyon sa kanila ay paglalarawang mula sa “malinis at inosenteng child star” hanggang sa maging isang sexualized teen idol (magandang halimbawa na naman sina Britney Spear at Miley Cyrus). Pag ang mga subject na ito umano ay magkaroon ng meltdown, di lamang ito dahil sa presyur ng stardom kundi dahil na rin sa nasirang mind-control programming. Pag pumunta sila ng rehab, sila ay iri-reprogram (Kilala ninyo si Amanda Bynes? Nakilala rin siya sa Disney).

II. Kinukuntrol ng Illuminati ang lahat ng entertainment


Kung mayroon kang internet connection, madali mo lang malalaman kung ano ang Illuminati: isang samahang kahit na binuwag na noong 1785 ay patuloy pa rin ang pamamayagpag umano ngayon bilang organisasyong nasa likod ng mga malalaking giyera at iba pang karumal-dumal na pangyayari sa loob ng maraming taon. Baka tumawa ka kung malaman mong si Lady Gaga ay puppet nila. Pero tatawa ka lang hanggang malaman mo ang mga simbolong makikita sa mga video niya: ang all-seeing eye symbol, mga hugis at anyong Baphomet (isang demonyo), at iba pang aspeto ng kanyang mga kanta, palabas at larawan. Pero sinasabing hindi lang si Lady Gaga ang puppet ng Illuminati. Nandyan din sina Beyonce, Jay-Z, Rihanna, Katy Perry, Nicki Minaj, Jessie J at marami pang iba. Di lamang sa musika mayroon ha. Pati na sa mga palabas sa telebisyon, pelikula at libro, mayroon din daw. Basahin ang Vigilant Citizen upang mas mamulat ka pa tungkol dito.

Mga mang-aawit lang ba ba talaga sila? Ano sa tingin n'yo?

Mga mang-aawit lang ba ba talaga sila? Ano sa tingin n’yo?

I. Mass Media: Pinuprograma ang ating pag-iisip

Media is evil?

Media is evil?

Gaya na lamang ng ipinakita ng Conspiracy Theory #10, malaki ang epekto ng media sa pag-iisip at pag-uugali ng mga tao. Mula pa pagkabata hanggang pagtanda, ang pinapakita sa pamamagitan ng media ay paraan upang makundisyon ang mga iniisip at mga gagawin ng tao. Sinasabing ang pelikula ay mabisa sa pagkundisyon ng social behavior ng isang tao o yung paraan ng kanyang pakikipagsalamuha sa iba. Ang musika naman ay mabisa sa pagtuturo ng masasamang pag-uugali (desirable yet terrible values and morals). Ang telebisyon, na sinasabing pinakamaimpluwensiya, ay ang talagang tumutulong sa paghubog ng tao sa paggawa niya ng sarili niyang reyalidad, mga ekspektasyon sa buhay, sa sarili at sa iba.

Ano nga ba ang mga epekto ng telebisyon?

Ano nga ba ang mga epekto ng telebisyon?


Nagkataon lang ba ang lahat ng ito o may mga punto ang conspiracy theorists na tulad ko? Iiwan ko na sa inyo ang punla ng pagdududa sapagkat di lahat ng gusto mong makita ay nakikita ng mga mata at di lahat ng gusto mong marinig ay napapakinggan mo sa iyong mga tenga. Mag-isip. Gumamit ng utak. Huwag lamang magpapaniwala sa kung ano ang popular o mga sinasabi ng nasa kapangyarihan. Di mo alam na maraming tao ang tulad ni Janet Napoles na ubod ng bihasa sa pagsisinungaling matuloy lamang ang pagtapak sa ibang tao habang sinusubukang pagtakpan ang sariling mukha sa mundo. Huwag laging magtiwala sa kung anong balita ang pinapakain ng media sapagkat di mo alam kung puppet lamang sila ng mas malalaki at mas matataas na tao. Wag gaya-gaya sa mga artistang pinapanood, baka kaluluwa mo na pala ang nabibenta mo. Wag matakot sa mga pangyayari sa paligid, bagkus, maghanap ng makakasama at palaganapin ang mabuting pagbabago. Pagbabagong magpapatino sa tao at sa mundo.

Sa Wakas

Sa Wakas: A New Pinoy Rock Musical

Matagal-tagal na rin nung huli akong nakapanood ng isang musical sa isang entablado. Kadalas kasi’y nanonood lamang ako ng mga ganito sa pelikula (I Do Bidoo, Mamma Mia, Jesus Christ Superstar). Natatangi ang pagtatanghal ng isang musical sapagkat di lamang umaarte ang mga actor at aktres sa entablado; sila pa’y kumakanta ng mga awiting kailangan nilang sabayan ng emosyong akma sa eksenang kanilang ginagawa.

Kagabi lamang ay nanood ako kasama ng aking kasintahan at mga kaibigan ng pinakabagong musical na may pangalang, Sa Wakas, sa PETA Theater. Nakapaloob sa musical na ito ang mga kanta ng popular na bandang Sugarfree, na ilang taon ding naghandog ng magagandang awitin bago sila ma-disband noong 2011. Ang titulo ay hango sa unang nilabas nilang album. Tungkol sa pag-iibigan, pagtataksil at paghuhubog ng pangarap ang Sa Wakas. Napaka-akma ang mga kanta ng banda dahil karamihan sa mga ito’y kwento ng pag-ibig at pagmamahalan. Di mabibigo ang mga taga-suporta ng Sugarfree na may gusto sa mga kantang Prom (“Parang atin ang gabi, para bang wala tayong katabi, at tayo’y sumayaw na parang di na tayo bibitaw”), Kwarto (“Maglilinis ako ng aking kwarto na punung-puno ng galit at poot”), Tulog Na (“Tulog na, mahal ko. Hayaan na muna natin ang mundong ito. Sige na, tulog na tayo.”), Hari ng Sablay (“Ako ang hari ng sablay. Hinding-hindi makasabay-sabay sa hangin ng aking buhay”), Wag Ka Nang Umiyak (“Kapit ka sa akin. Kumapit ka sa akin. At di kita bibitawan.”), Dear Kuya (“Dear kuya, kamusta ka na dyan? Anong balita?”) at marami pang iba dahil ang mga ito’y nakapaloob sa pagtatanghal. Ako nama’y nagkaroon ng mga bagong paboritong kanta dahil sa nasaksihan ko kagabi: Kwentuhan (“Kwentuhan lang, wala namang masama.”) at Kandila (“Magka-ilaw man, madilim pa rin kung wala ka.”) mula sa paborito kong album nilang, Dramachine.

Topper, Lexi, Gabby: Mga bida sa Sa Wakas

Topper, Lexi, Gabby: Mga bida sa Sa Wakas

Bida sa Sa Wakas si Topper, isang struggling photographer. Nakatakda siyang ikasal sa kanyang kasintahang si Lexi, isang mag-aaral ng medisina. Minsang di nagkasundo at nagkagalitan ang dalawa, si Topper ay napariwara sa kanilang relasyon. Iba ang kislap ng mga mata n’ya nang makita niya si Gabby, editor ng isang magasin. Ang kanilang pagmamahal sa potograpiya at iba pang bagay ang nagbuklod sa dalawa. Pero paano na ang relasyon nina Topper at Lexi? Matutuldukan na ba ito dahil sa nabuong pag-iibigan nina Topper at Gabby? Alamin ang kanilang kwento sa Sa Wakas.

Isang eksena sa Sa Wakas

Isang eksena sa Sa Wakas

Di tipikal na pagtatanghal ang aming nasaksihan kagabi. Sa wakas ng istorya nagsimula ang presentasyon, at pabalik ng kwento itong tumakbo hanggang sa malaman ng manonood kung paanong nagsimula ang lahat. Sa umpisa ay maari ka talagang malito, pero mangyayari talaga ito lalo’t unti-unti mo munang malalaman kung paano napunta sa ganoong sitwasyon sa wakas ng kwento ang tatlong pangunahing karakter.

Napaka-simple ng pagtatanghal, pero hindi ibig sabihin nito na hindi ito maganda. Sa katunayan, naipakita nila ng maganda ang mga eksena kahit na limitado ang espasyo ng kanilang pinagtanghalan. Magagaling ang mga nagsipagganap na kinabibilangan nina Fred Lo bilang Topper, Laura Cabochan bilang Lexi at Justine Pena bilang Gabbi. Kahit na may mga ilan silang pagkakamali sa pagbanggit ng kanilang dayalogo ay mas nanaig pa rin ang kanilang husay sa pagganap, lalo na sa pagkanta. Maganda ang chemistry nilang tatlo bilang mga pangunahing karakter at kitang-kita ito sa kanilang pag-arte. Magaling din ang iba nilang mga kasama na nagsipagganap bilang secondary characters.

Sa totoo lang, natuwa ako sa kakapanood mula simula hanggang matapos ang Sa Wakas. Di nakakapagtakang gusto ko itong uliting panoorin.

Top 25 Songs ng Taong 2012

Ilang taon na ang nakararaan mula nang simulan kong isang tradisyon ang paggawa ng listahan ng mga pinakanatatangi sa larangan ng musika, telebisyon at pelikula. Hindi ako isang kritiko ng mga nabanggit, ngunit gusto ko lamang ibahagi ang mga nagugustuhan kong mga kanta, palabas sa telebisyon at pinilakang tabing.

At bilang unang blog post ko rito sa Alamin Mo Kasi para sa taong ito, aking isasalaysay ang pinakanagustuhan kong mga kanta noong nagdaang taon ng 2012. Basahin ninyo ang mga kadahilanan kung bakit ko nagustuhan ang mga kantang ito rito sa isa ko pang blog.

Kung sang-ayon ka o hindi sa mga inilagay ko rito, magkomento ka sa ibaba. Salamat!

#25- WHAT MAKES YOU BEAUTIFUL ng One Direction

What Makes You Beautiful

#24- MADNESS ng Muse


#23- A THOUSAND YEARS nina Christina Perri at Steve Yazzi


#22- UP ni James Morrison kasama si Jessie J


#21- 50 WAYS TO SAY GOODBYE ng Train




#19- WANTED ni Hunter Hayes


#18- GIVE YOUR HEART A BREAK ni Demi Lovato


#17- STATE OF GRACE ni Taylor Swift


#16- SO EASY ni Phillip Phillips


#15- NO ONE WILL EVER LOVE YOU nina Connie Briton at James Eston


#14- MY WEAKNESS ni Kris Allen


#13- HALL OF FAME ng The Script kasama si Will.I.Am


#12- SAD ng Maroon 5


#11- I WON’T GIVE UP ni Jason Mraz



when can I see you again

#9- DARK SIDE ni Kelly Clarkson




#7- LIGHTS ni Ellie Goulding


#6- DRIVE BY ng Train


#5- SIRENA ni Gloc 9 kasama si Ebe Dancel


#4- HOME ni Phillip Phillips


#3 DAYLIGHT ng Maroon 5


#2 TITANIUM ni David Guetta kasama si Sia


#1 THE VISION OF LOVE ni Kris Allen

Kahulugan ng Kapaskuhan

Christmas Tree. Christmas lanterns. Christmas lights.

Christmas Icons

Ilan lang ang mga ito sa madalas nating nakikitang nagpapaganda sa mga tahanan at establisimyento sa panahon ng Kapaskuhan. Simple o magagarang puno, malalaki man o hindi, na nagagayakan ng palamuti ay masasaksihan sa maraming mga tahanan. Maraming mga parol naman ang nakasabit sa may pintuan o kisame sa labas ng mga kabahayan. May mga Christmas lights ding nakasabit sa iilan.

Christmas gifts. Christmas bonus. Kris Kringle.

Christmas Gifts (kuha mula

Ilan lang ang mga katagang iyan na palagi nating naririnig tuwing sasapit ang Kapaskuhan. Gusto nating lahat na makatanggap ng regalo ngayong Pasko. Sino ba naman ang hindi, diba? Minsan pa nga’y may Christmas wish list tayo para malaman ng iba kung ano talagang gusto nating matanggap. Uso pa rin hanggang ngayon ang Kris Kringle, kung saan bawat linggo ay nagbibigay ng regalo na ayon sa temang itinakda para sa linggong iyon (halimbawa, something red). Pagsapit naman ng Christmas party, dito na madalas nagbibigayan ng regalo ang bawa’t isa. Exchange gifts kumbaga. Marami rin sa mga kumpanya at ahensya ng gobyerno ang nagbibigay ng Christmas bonus. Tradisyon na iyan lalo na kung malaki ang kinita nila sa taong nagdaraan.

Santa Claus. Rudolph the Red-nosed Reindeer. Frosty the Snowman.

Santa, Frosty, Rudolph

Sila ang mga karakter na ibinibida tuwing sasapit ang Pasko. Isa sa mga rason nito ay ang patuloy na pagkanta ng mga awitin tungkol sa kanila. Bukod diyan ay maraming mga palabas at pelikula na isinasama sila sa tuwi-tuwina.

Kapanganakan ni Hesukristo

Nativity (kuha mula sa

Iyan ang talagang kahulugan ng Pasko. Sana hindi natin nalilimutan kung bakit tayo nagdiriwang ng Kapaskuhan. Sana alam pa rin ng mga bata ngayon kung bakit tayo nagkakasiyahan ngayong panahong ito. Sana sabihin at ipaliwanag ng mga matatanda kung bakit. Alam sana nating hindi talaga Disyembre 25 ang kapanganakan ni Hesus. Isa lamang itong representasyon nung araw na dumating Siya sa mundo. Mahalaga itong ipagdiwang sapagkat Siya ang Mesias, ang Tagapagligtas, ang Kristo na ating Diyos.

Alam kong marami sa ating ang punong abala tuwing sasapit ang Pasko. Nariyan ang halos araw-araw na party. Nariyan ang mahabang pila sa mga tindahan at palengke. Araw-araw, gabi-gabi ang mabigat na trapiko. Nakakapagod. Nakakawala ng enerhiya. Kaya hindi nakakapagtaka na marami sa atin ang nawawalan na minsan ng gana pagdating mismo ng araw ng Pasko. O kaya naman, nawawala ang antisipasyon na laging nararamdaman ng mga tao tuwing mayroon silang inaabangang malaking pagdiriwang. Sa madaling sabi, di na tulad ng pakiramdam noong mga bata pa tayo ang nadarama natin ngayong tayo’y nagtatrabaho na at abala sa iba’t-ibang bagay.

Ang sabi nila, nasa tamang pagsasaayos ng oras lamang natin iyan. Pero hindi rin ito uubra minsan. Kailangan natin ng sapat na oras upang maramdaman ang diwa ng Pasko. Hindi ito nadadaan sa pagdiriwang lamang. Hindi ito nararamdaman sa pagbibigayan lamang. Kailangan talaga minsan ng taimtim na panalangin at malalim na repleksyon upang lubos natin itong madama.

Ikaw ba, masaya ka ba ngayong Kapaskuhan? Hindi yung napipilitan lang, ha? Sana ang sagot mo ay oo. Sapagkat tuwing Pasko, kailangan nating alalahanin ang talagang bida rito. Walang iba kundi ang Panginoong Hesukristo. Masaya sana tayo sa pagdiriwang ng Kanyang kapanganakan.

Ang panahon ng Pasko ay panahon ng kasiyahan at pasasalamat. Dapat tayong magpasalamat sa Diyos Ama dahil idinulot Niya sa atin ang pagdating ng Kanyang Anak na si Hesus. Nawa’y mapadama natin ang saya at pasasalamat nating ito sa ibang tao sa paraang kaya at bukal sa ating kalooban.


Maligayang, maligayang Pasko po sa ating lahat!


Matagal na panahon ko ring gamit-gamit ang social networking site na Multiply. Hula ko’y kayo rin na nagbabasa nito ngayon. Salamat sa isang kaibigan dahil sa kanya’y naging isa ako sa milyun-milyong gumamit o patuloy na gumagamit ng nasabing website.

Ano ba ang magagawa sa Multiply? Tulad ng Friendster noon at ng Facebook ngayon, maaari tayong makipag-ugnay sa ating mga kaibigan, kakilala at kamag-anak sa Multiply. Maaari tayong makapagpaskil ng mga larawan, magbahagi ng video na kuha natin o galing sa iba, maglabas ng saloobin sa pamamagitan ng blog, magbigay ng mga review ng mga pelikula, palabas sa telebisyon o kaya mga kanta, makinig sa musika (na dati pa nga’y maaaring i-download) at maraming-marami pang iba. Nung naglaon, nakilala ang Multiply sa online shopping at selling.

Nakalulungkot dahil sa lakas ng Facebook at Twitter ay napag-iwanan na ang Multiply sa aspeto nitong pagiging social network. Bida ito ilang taon na ang nakararaan sa dami ng bumibisita para makapag-labas ng kung anong gusto nilang ibahagi sa iba. Ngunit ngayon, mas tinatangkilik na lang ito sa aspeto nitong pangangalakal ng mga gamit, damit at kung anu-ano pa.

Ilang buwan na ang lumipas nang lumiham si Stefan Magdalinski, ang Chief Executive Officer ng Multiply, upang ipaalam na hanggang Disyembre 1, 2012 na lamang maaaring gamitin ang social networking features nito. Ibig sabihin, mawawala na ang opsyon nating magpaskil pa rito ng kung anong gusto nating ibahagi sa mundo. At, ang mas importante, mawawala na rin ang lahat ng mga larawan, mga video, mga review, mga blog post at kung anu-ano pang inilagay natin sa Multiply.

Nagbigay naman ang mga taong nasa likod ng nasabing website ng ilang pamamaraan sa paglipat ng mga content na iniligay natin dito. Kung gusto ninyong isalba ang mga nilalaman ng inyong Multiply site, alamin ninyo rito kung paano ito gawin. Sa mga nagnanais namang kunin maging ang mga komento sa mga pahina ng kanilang Multiply website, gumamit na lamang ng Print Screen. Matrabaho ito pero para sa isang magandang layunin naman kaya tiyak na ayos lang ito sa inyo.

Sa totoo lang, mahal ko ang website na bida sa blog post kong ito. Dito kasi ako unang nakapag-blog. Kahit na di gaanong marami ang nagbabasa sa mga bina-blog ko noon, sa Multiply ko unang naramdaman ang kalayaang ipahayag ang sarili upang mabasa ng mga tao saan mang parte sila ng mundo. Naaalala ko pa ngayon ang pakiramdam nung una kong ipaskil ang una kong blog na naglalaman ng mga napakapositibong bagay. Nasa panahon kasi ako noon ng magandang pagbabago sa aking buhay. Malinaw pa rin sa aking alaala yung mga panahong binubuhos ko ang aking isip at puso tungkol sa iba’t-ibang bagay, sa pagba-blog man o maging sa paggawa ng review ng mga napanood kong pelikula. Masasabi kong mas napamahal ako sa panonood ng pelikula dahil na rin sa mga pinaggagagawa ko sa Multiply. Hehe. Ang saya ring alalahanin na nakakapag-download ako nang libre ng mga kantang gusto kong pakinggan sa website na ito. Yun nga lang, nahinto ang feature na ito dahil ipinagbabawal ang pamimirata. Nakatutuwa ring naging daan ang Multiply upang mas maging malapit ako sa ilang mga kakilala lang dati. Pinakamagandang ehemplo rito ang aking mga kasama sa WordPress blog na (Bisitahin ninyo ang aming blog, tiyak na di kayo magsisisi. Hehe.). Dagdag pa riyan, may ilang tao akong naging online buddy dahil sa pagkahilig sa ilang mga bagay tulad ng pelikula kahit di kami magkakakilala ng personal.

Ilang buwan na rin ang nakararaan mula noong una kong naramdaman ang kalungkutan sa nalalapit na pamamaalam ng minahal kong website. Ilang taon din kasi itong naging kasangkapan ng pakikipag-ugnayan sa ating mga kaibigan at kakilala. Gayunpaman, tulad ng laging sinasabi ng mga tao pag may lumilisan, patuloy pa rin ang buhay. Maigi na lamang na magpasalamat sa lahat-lahat ng mabuting naidulot ng website na ito sa atin sa anumang pamamaraan. Tama ba?

Satanista ba si Lady Gaga?

Laman ng mga balita ngayon ang pagharang ng ilang grupong pang-relihiyon sa gaganaping konsyerto ng isa sa pinakatanyag na mang-aawit ngayon, si Lady Gaga. Ang dahilan, tagasuporta raw ng kampon kasamaan ang nasabing mang-aawit. May mga punto ba ang mga grupong ito na nagpu-protesta laban sa pagku-konsiyerto ni Lady Gaga? Subukan nating alamin.

Hindi lingid sa kaalaman ng iba na nakapagdaos na ng konsyerto ang nasabing mang-aawit dito ilang taon na ang nakalilipas. Ayon sa artikulong ito, ang nasabing konsyerto ay ginanap sa Araneta Coliseum noong Agosto 2009. Matagumpay naman daw itong nairaos hindi gaya ngayon na sobrang dami ang umaayaw na matuloy ang konsyerto.

Noon pa man ay gusto ko na ang mga kantang pop, o yung tipong sikat at popular. Bukod kasi sa nakakagana ang mga kantang ito ay nakakapagbigay pa minsan ng mga nakakatuwang kwento at mga simpleng aral. Ngunit nang mas nagkaisip ako ay mas pinili ko na ang mga pinapakinggan ko. Kung susuriin mo kasing mabuti ay may mga kantang hindi magaganda ang mensahe. At tulad ng sinasabi ng ilan, pag patuloy mong pinapakinggan ang mga ito, ang tema nila ay tila nagiging normal na lamang para sa’yo, kahit na labag ito sa mga paniniwala at prinsipyo mo.

Alam ng ilang malalapit sa akin na ayoko sa mga kantang ginagamit ang pangalan ng Panginoon Diyos. Hindi ba nga’t isa sa Sampung Utos ng Diyos ay wag bastusin ang Kanyang pangalan? Naaalala ko tuloy, may sumikat na kanta si Usher na di ko talaga natipuhan dahil titulo pa lang ay nakakadismaya na. May mga kanta namang kung hindi tago ay hindi halata ang ibig sabihin. Alam mo bang tungkol sa pagpatay ang kantang Pumped Up Kicks ng Foster the People? O kaya naman may pagbanggit ng demonyo sa kantang Just Can’t Get Enough ng Black Eyed Peas? Magaling din ang ilang sikat na babaeng mang-aawit dyan tulad nina Rihanna, Nicki Minaj, Beyonce at si Lady Gaga nga. Kalimitan sa mga kanta ni Rihanna ay tungkol sa pagmamahalan. Maganda sana pero ibang klase ng pagmamahalan ang tinutukoy n’ya kaya di mo matitiyak kung pagmamahal nga talaga yun. Si Nicki Minaj naman, hitsura pa lamang ay matatakot ka na. Hehe, biro lang. Di ko gusto ang mga kanta n’ya, lalo na nang matapos siyang kumanta sa Grammy Awards 2012 ilang buwan na ang nakalilipas. Lantarang pambabastos sa Simbahang Katoliko ang ginawa n’ya doon: may mga paring dinemonyo, may kantang Pamasko na sinaula at may mga simbulong pangmasama talaga. May laman ang mga kanta dati ni Beyonce. Pero nitong mga nakaraang taon, pili na lang ang mga kanta n’yang may katuturan. Si Lady Gaga naman, may ilang kanta siya na magaganda ang mensahe, pero mayroon ding mapapasang-ayon ka sa sinasabi ng mga nagpu-protesta. Binabanggit na ang kanta n’yang Judas ay sumisira sa imahe ni Kristo at ako’y sang-ayon sa kanila run. May mensahe ang kantang hindi maganda at lantarang bumabastos kay Hesus. Minsan, hindi lang mga kanta mismo ang hindi maganda kay Lady Gaga. Pati mga music video n’ya ay punong-puno ng simbolismong sinasabing maka-demonyo. Paano ko nasabi? May sasabihin ako sa inyong website na baka ikagulat ninyo ang nilalaman:

Yan ang website na ispesipikong tumatalakay sa ilang kanta at music video ng mga mang-aawit na sinasabing ibang Panginoon ang sinasamba. Kung balak mong basahin ang mga nilalaman n’yan, sinasabi ko sa’yo ngayon pa lang na maaari kang matakot, magulat, mapahiya, matuwa at malungkot sa mga mababasa mo. Maaari kasing mamulat ka o magulantang sa mga nilalaman nito. Mapupuna mong ang salitang Illuminati ay madalas na mababanggit sa mga artikulo nila. Ang Illuminati ay sinasabing isang grupong naghahasik ng lagim at kasamaan dito sa mundo sa mga bagay na nakikita, naririnig at ginagamit natin. Pero di ko nais pag-usapan ang grupong iyan ngayon dito. Nais ko lang bigyang linaw ang isa sa mga sinasabing alagad umano nila. At iyon ay si Lady Gaga nga.


Anu-ano na ba ang mga sumikat na kanta ni Lady Gaga? Ang naaalala kong unang sumikat na kanta nya noon ay ang Poker Face. Sabi sa mga bali-balita, tungkol daw ito sa pagiging bisexual ng mang-aawit. Kung gusto mo talagang malaman kung bakit, alamin mo sa pagbabasa at pag-iintindi sa liriko ng kanta. Search mo na at read between the lines (RBTL) ika nga. Nagsanib sila ni Beyonce sa kantang Telephone na tipong tumutukoy lamang sa hindi pagpansin ng isang dalaga sa kasintahang tumatawag sa kanya. Pero ayon sa iba, tumutukoy ito sa prosesong pag-brainwash sa mga nagiging biktima ng Illuminati. Malabo? RTBL uli. Sumikat din ang kantang Bad Romance na titulo pa lamang ay kukunot na agad ang ulo ng mga relihiyoso. Maaalalang natanggal ang Kristiyanong mang-aawit na kalahok sa American Idol na si Colton Dixon matapos n’yang kantahan ang kantang ito. Ang teorya ng ilan (isa na ako rito), nadismaya ang mga tagahanga niya dahil pumili siya ng kantang pangit ang mensahe. Sumikat din ang kantang Alejandro na talaga namang may kung anong kababalaghan sa music video nito. Popular din ang Born This Way na nagsasabing maging sino ka man ay ayos lang dahil hindi nagkakamali ang Panginoon sa mga nililikha Niya. Maganda ang mensahe, hindi ba? Pero kung susuriin mo ng maigi ang ilan pang bahagi ng liriko ng kanta n’yang iyan, may mahuhugot kang mensahe na di ayon sa mga relihiyon. RTBL uli. Ang Edge of Glory naman, tumatalakay sa pagpapakamatay. RBTL. Ang pinakabago n’ya, ang Marry the Night, ay sinasabing tumutukoy sa pagsuko n’ya sa kadiliman para makamtan ang pinakaninanais n’ya: ang pagsikat. RTBL.

Ang tanong ngayon, Satanista nga ba si Lady Gaga? Hindi natin masasabi yan sapagkat di naman natin siya kilala talaga. Ang masasabi lang natin ay tungkol sa kung ano ang binabahagi nya sa pamamagitan ng mga kanta nya. At kung mensahe lamang ng mga kanta at music video niya ang pagbabasehan, masasabing hindi siya konserbatibo. Liberal na liberal siya kung tutuusin. May mga mensaheng di nararapat marinig ng lahat, lalo na ng mga kabataan sapagkat madaling mapasunod ang mga bata, lalo na ang mga nakikiayon lang sa uso. May iilang mensahe ring talagang tinutuligsa ang Panginoong Diyos o kaya naman ay tumutukoy sa kampon ng kadiliman. Diyan pa lang ay talagang kailangan ng pigilan si Lady Gaga sapagkat mabi-brainwash ang mga tagasunod n’ya (na tinatawag pa n’yang Little Monsters). Maaaring umabot sa puntong ang mali ay magiging tama para sa kanila. Nakakatakot yun kung sakali.

Mayroon tayong tinatawag na freedom of expression. Pero paano kung ang kalayaang ito ay sobra na sa kung ano ang tama? Hahayaan lang ba natin o pipiliting itama?

Sa mga manonood ng konsyerto ni Lady Gaga, sana ay mag-enjoy kayo para naman masulit yung binayad n’yo sa tiket. Wag n’yo na lang dibdibin ang mga kanta n’ya kahit na mas maiging iiwas n’yo ang mga sarili n’yo sa kanya. Sa mga hindi manonood ng konsyerto ni Lady Gaga, alam ko sasabihin ninyong you know better. Maganda yan, pero dapat masasalamin din sa ating mga pagkilos at pag-iisip ang mga sinasabi natin. Mahirap yung mag-aasta tayong mabuti at mabait, yun pala ay talagang hindi.